《愛.回家之開心速遞》的「風少」陳浚霆早前拍攝短片，片中他化身搬運公司主腦「熊貓先生」，他刻意由頭笠到腳，隱瞞身份，大玩《魷魚遊戲》的木頭人123橋段，相當過癮。原來他為前任職的公關公司IPS義務演出，因公司要搬寫字樓，他率領兩位半裸大隻佬模特兒Ernest和Lawrence幫手運送鎮店之寶「多啦A夢」大公仔，由於他們造型獨特，經過大街大巷，惹來不少途人駐足圍觀。
陳浚霆透露大學畢業回港第一份工就是做公關，「好記得老闆Peter好快決定請我，我有啲驚，覺得佢有冇諗清楚㗎！哈哈，不過好開心，本來自己中文好差，好多同事肯教我，令我快上手，當時我去參加歌唱《超級巨星4》比賽，老闆好贊成，其實比賽和練習嘅時間唔太穩定，有時會返唔到工，但公司都好支持我，所以呢個係我第二個家。」陳浚霆表示Peter一開聲，自己絕不托手㬹，而且好開心可以參與成為一分子。另外，他又透露近日《愛》有不少新成員加入，愈拍愈好玩，「自己都希望有更多新工作機會，《愛回家》係開心嘅節目，充滿歡樂，喺呢個時候開心係非常重要。
本文作轉載及備份之用 來源 source: http://hk.on.cc
|
鍾意就快D Share啦！
|
|
|