轉為獨立歌手的陳凱彤（Lillian）重新出發，事隔2年推出全新歌曲《糊塗愛》，她說：「呢幾年都有朋友、歌迷問起幾時再有新歌，無形中畀咗支持同鼓勵，我係儲足勇氣幾年先做呢首歌！」
由創作、錄音以至MV拍攝，期間得到不少幫助，令她感觸良多：「感受到排除萬難出到首歌嘅感覺，首歌喺儲存庫裏都2年。因為資源有限，以前有公司支持，好多嘢都覺得理所當然，但自己落手落腳做，先知唔係咁簡單。決定做之後第一個要解決嘅問題係搵咩音樂班底？然後了解派歌流程、版權各樣，花咗近半年時間，唔識就問朋友，又有唔少人教我，感覺好Amazing！」
最大的驚喜收穫非MV莫屬，她說：「出歌當然想出MV但MV製作成本高，好彩之前畀我認識到位跨香港同日本嘅創意製作人。」續說導演將她所有喜愛元素放入MV中，雖愛好行山，但拍攝當日在烈日下，人又多時，在山頭等足咗2小時才拍到理想效果。又透露拍攝時有「艷遇」，被外籍人士問在香港創作音樂是否特別難，令她感覺如遇知音人，開心收到不少鼓勵，令她有勇氣繼續追夢。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
