藝人余曉彤（Hidy）最近義務為攝影師好友的攝影集擔任模特兒，以相片表達女生自然流露的一刻以及發掘未知的一面。Hidy在相中罕有以性感造型上陣，包括真空及內衣，她坦言拍攝時心情又驚又緊張，心口掛個勇字：「因為太耐冇影相，加上咁性感，就算以前我都好少影啲咁性感嘅相，所以面對攝影師都有少少尷尬，我表面上都做到好專業，好似冇嘢咁，但其實有啲頂硬上感覺，心入面好驚，又怕走光，又擔心有啲肥肉唧咗出嚟，其實我同個攝影師識咗好多年，我對佢好信任同放心，但佢始終係男攝影師，我會有少少心理障礙。」
而為保持身形，Hidy在拍攝當天及前一天都不敢進食，並每日勤練腹肌：「我最注重係個腹肌，呢段時間不斷練腹，想操好條馬甲線。」幸好出來效果很好，未有白費工夫，她笑言：「多朋友見到啲相，個個都嘩嘩聲，話我平時收收埋埋，其實我向來係有少少身材嘅，哈哈！個作品好多人鍾意，希望可以畀人見到我唔同一面，唔係淨係打女或者好Sporty，我都可以感性。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
