上海封城個多月，陳浩民同老婆蔣麗莎期間頻頻直播，日前二人邊食邊做直播，期間蔣麗莎提到要將剩菜打包比唔能夠埋檯一齊食飯嘅保姆。言論又再一次引起網民討論，點解係「又」？事關去年蔣麗莎曾在直播中表示唔會將剩菜倒掉，而係會留比保姆，當時唔少網民都認為剩菜唔乾淨又唔熱，點解唔喺開飯前將飯菜預先留起，對於網民嘅指責，蔣麗莎同陳浩民當時並未有作出澄清，並馬上結束直播。
面對同樣嘅指責，蔣麗莎今次就選擇還擊，她表示自己花錢請保姆幹活而非享受生活，仲話自己向來都冇同保姆同檯食飯嘅習慣，又強調「員工就要有員工的樣子，不可以和老闆一起吃飯，吃我和老公的剩菜沒有不尊重，相反保姆很感激的。」之後蔣麗莎仲話：「自家保姆雖然辛苦點，但每個月兩萬工資，在上海也是很高的。」有網民認為蔣麗莎令事件愈描愈黑，甚至予人苛刻感覺。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
