女神張曦雯（Kelly）日前（11日）32歲生日，昨日（15日）佢就喺社交網晒出一連串慶生靚相，人緣甚好嘅佢生日蛋糕食唔停，仲收到一大紮鮮花，雖然相中 ...
女神張曦雯（Kelly）日前（11日）32歲生日，昨日（15日）佢就喺社交網晒出一連串慶生靚相，人緣甚好嘅佢生日蛋糕食唔停，仲收到一大紮鮮花，雖然相中未見其美日混血兒男朋友Mark Brunjes出鏡，但其中一張相，係一份Pancake加煎蛋嘅早餐，相信係男友親自炮製嘅愛心早餐，低調放閃。至於禮物方面都好有心思，其中一份係畫有佢嘅卡通圖畫，就連兩隻寵物都有「現身」，畫中佢抱住貓貓食雪糕，愛犬就戴上生日帽坐喺側邊作伴，非常溫馨，Kelly一定好鍾意呢份生日禮物。
