台灣天王王力宏同前妻李靚蕾嘅離婚官司沒完沒了，上年二人公開互罵搞到滿城風雨，人人追睇食花生，王力宏被爆私生活唔檢點及大話連篇，李靚蕾則被指控唔畀王力宏見仔女，各自形象插水。約3個月未有喺社交平台發文嘅李靚蕾，尋晚（8日）母親節深夜，晒出仔女寫畀佢嘅母親節卡，又收到親手整嘅感恩花，真係搞到佢喊出聲！
仔女送嘅手寫卡片內容，就不斷讚佢好媽媽：「親愛的媽媽，母親節快樂！形容你，要用好長的句子。你很會關心人、很酷、會鼓勵人、有趣、寬宏大量、認真工作、樂於助人、和善、很有愛、忠誠、有耐心、美麗、傻氣、聰明、貼心還有善解人意。你是全世界、全宇宙最棒的媽媽，而且你也是超級厲害的廚師，你煮的菜裏加滿了愛，我很喜歡！我真的很愛很愛你，希望你的所有願望都能實現。」收到充滿孩子愛嘅母親節禮物，李靚蕾明顯深受感動，喺貼文中晒出眼淚直流、一箭穿心、愛心融化等表情符號同貼圖，認真冧爆。
本文作轉載及備份之用 來源 source: http://hk.on.cc
|
鍾意就快D Share啦！
|
|
|