台灣歌手徐若瑄自小父母離異，由母親獨力湊大，故與媽媽感情特別好，昨日（8日）母親節，佢則與姊弟3人合力下廚，各自準備一道餸孝敬媽媽，佢表示：「因為媽媽平時總是滿身大汗地煮出一桌滿漢全席給我們吃」，所以希望媽媽唔使咁辛苦煮飯，好好享受佢哋嘅心意。提到最難忘嘅母親節，佢就憶述係懷上兒子Dalton後嘅第一個母親節，當時佢收到媽媽來電問候，簡單一句祝福說話卻令佢爆喊：「媽媽一開口只是一句『女兒，妳好嗎？母親節快樂』，我突然一股想哭的衝動，只好藉上廁所，一個人哭到不行，當時覺得生養自己的母親來跟我說『母親節快樂』，好奇妙啊」。
至於講到現時為人母親，佢就表示體會到為母則強，尤其昔日全不下廚嘅佢為咗囝囝「處女下海」入廚房，仲自爆試過因為要煮嘢食而緊張到胃痙攣，慶幸熟能生巧，現時不但成功挑戰煮食，怕高、怕凍、怕黑嘅佢仲為囝囝克服所有恐懼，可見母愛嘅偉大。
本文作轉載及備份之用 來源 source: http://hk.on.cc
|
鍾意就快D Share啦！
|
|
|