藝人曹永廉正式加入無綫處境劇《愛．回家之開心速遞》大家庭，劇中飾演食屎陳師奶叔仔的他，與「熊家」有甚多對手戲，而阿廉的戲份今晚（3日）正式首晚「出街」，他接受東網訪問時，坦言與《愛》劇大家庭合作得很開心，更笑言：「都拍咗4集喇！好好玩呀！而且呢套劇收視咁高，沾吓啲光都好呀！」
劇中的他極貪小便宜，於熊家面前扮可憐，但又偷人豉油，更被劇中阿哥叫他做「Forever Cheap」，阿廉謂：「冇所謂，我覺得幾好笑呀！咁劇入面我叫陳永廉嘛，永遠都咁有廉恥，幾年前網上啲人已經咁叫我，只要鍾意我同唔鍾意我嘅人睇到開心就得，我哋做娛樂事業就係咁！最緊要大家睇到開心。」
阿廉一劇接一劇，現時亦正在拍攝《破毒強人》的他，還有多套存貨播未，他謂：「仲有《痞子殿下》、《十八年後的終極告白2.0》未出，嚟緊我都要拍PTU套新劇，(咁咪未返得內地住?)希望10月可以」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
