《2022香港小姐競選》日前進行首輪面試，有唔少參選佳麗率先跑出，好似星二代林卓錡（前名林鈺洧）、連詩雅索爆師妹邢慧敏及「碩士超蓮」Bianca等，但原來鏡頭後嘅面試情況更加爆，近日有參加者爆料當日秘聞，原來一班參加場到場後，即時換三點式影全身相，其中竟有人冇着泳褲，只着住透視底褲影相，仲透到見毛，嚇到工作人員及攝影師急忙阻止，幸好及後見評判時，該參加者都有着番條褲。
而當中唔少人全身都搽咗粉，不過就因為着上外套而「出事」，啲粉黐晒喺件外套上面，一除衫就驚變斑點狗，其中更有人冇剃腋毛，以「激烈的海膽」上陣，相當有自信！
袁文傑搵番「失散妹妹」
而藝人袁文傑亦有留意港姐面試佳麗，佢搞笑話喺一眾嚟面試嘅佳麗中搵到自己嘅「失散妹妹」，佢於社交網將自己張相同21歲嘅準佳麗BoBo併埋一齊，睇落佢哋嘅五官輪廓有9成相似，連個笑容係差唔多添，佢留言：「老友發了張圖來，問我幾時有個妹冇介紹佢識，我…睇完嚇一跳 ，然後得啖笑。」未知呢位準佳麗BoBo有冇機會入到第二輪面試呢？
本文作轉載及備份之用 來源 source: http://hk.on.cc
|
鍾意就快D Share啦！
|
|
|