型男謝霆鋒胞妹謝婷婷自2019年秘密產女，便淡出幕前，移居加拿大專心享受湊女生活，作風低調嘅佢更繼去年5月後，再冇晒出母女合照，即使上月晒出遊雪山靚相，都戴晒頭盔、眼鏡、面罩，完全睇唔出佢嘅最新容貌，相當神秘。適逢昨日（8日）母親節，婷婷呢日就一口氣晒出多張同囡囡嘅合照，雖然相中繼續遮住3歲囡囡Sara嘅靚樣，保護措施做到足，但從其身形變化亦明顯見到佢長大不少，比起昔日收晒水，瓜子臉開始成形，仲同媽媽一樣有超甜美嘅笑容，加上佢手長腳長，年紀輕輕已經擁有超級長腿，絕對遺傳晒媽媽嘅良好基因，十足「迷你婷婷」一樣！
至於婷婷亦相當凍齡，即使忙於湊女但靚樣身形都絲毫冇走樣，其中一張佢同囡囡玩水嘅照片，見水着上陣嘅佢身材依然弗到爆，簡直係索爆靚媽。
本文作轉載及備份之用 來源 source: http://hk.on.cc
|
鍾意就快D Share啦！
|
|
|