河國榮過去在TVB經常飾演外籍阿Sir而深入民心，今次終於跳出框框，令他非常有新鮮感：「我唔知其他演員，但我鍾意頭尾有變化、有兩種感覺嘅角色，我好少揀角色嘅，一係接受、一係唔做，導演搵我嘅時候就已經同我講係同音樂有關嘅角色，我冇乜點猶疑，兩日就已經答應，我當時有個直覺話我知要接。」
他笑言自己並非拒絕再演阿Sir這類型的角色，但有層次感的角色會更好：「好似電影《邊緣行者》我都係做英國政治阿Sir，嗰個角色都好正，因為佢唔係100%純潔，變咗有好多層次可以表現出嚟，所以唔一定話做阿Sir就唔好嘅，做反派係可以有好多嘢可以表達。」
近年有不少「御用鬼佬」如布偉傑都有北上發展，河國榮笑言暫時未有收到內地的工作邀請，但自己亦不抗拒：「除咗錢之外，都要攞到工作簽證，如果我冇簽証就上唔到去，二來個角色如果係有十幾集，又唔係淨講企喺一邊幾句膚淺嘅對白，我都OK㗎！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
