藝人袁詠儀（靚靚）與男神張智霖（Chilam）嘅15歲囝囝張慕童（魔童）盡得父母優良基因，遺傳爸爸嘅長腿加上媽媽嘅餅印靚樣，愈大愈靚仔，但原來除咗顏值之外，佢仲遺傳埋父母嘅演藝天分，成為星二代明日之星指日可待！
呢日靚靚晒出魔童新片，事緣本月10日為殿堂級樂隊Beyond主音黃家駒嘅60歲冥壽，身為家駒忠實粉絲嘅靚靚當然有所表示，就係派出囝囝以一曲致敬，唔講唔知，原來魔童係電結他高手，片中佢重新演奏Beyond經典歌曲《海闊天空》嘅SOLO段落，見佢跟住原曲嘅音樂伴奏彈奏，每一粒都彈得非常精準，而且指法相當熟練，加上佢超投入咁彈結他，Chok到爆即時魅力大增，網民即激讚佢彈電結他時嘅型仔樣甚有謝霆鋒影子，封佢為「霆鋒2.0」，加上佢有外表同時有實力，絕對可以跟隨爸爸Chilam步伐，以歌手姿態出道！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
