喬寶寶唔准娶香港女仔 重親情阿媽留身邊唔送入老人院
喬寶寶是香港首位南亞裔全職藝人，兩年前，因兒子的健康問題，放下香港的工作移居蘇格蘭。喬寶寶接受港台《舊日的足跡》訪問，說一直記掛香港：「蘇格蘭親戚多，香港朋友多，氣氛都唔同。我好掛住女人街同廟街嘅街頭美食，好似篤魚蛋同絲襪奶茶。喺呢邊好少遇上華人，要睇中文電視就要買盒仔，我希望我個孫學多啲廣東話。」他希望疫情盡快過去，可以返香港賺快錢，透露已打第4針，並形容自己是Superman：「我老婆同阿媽最近都中咗招，不過佢哋都打咗針。阿媽80 幾歲打咗3針，好快好返。」
孝順仔喬寶寶早前帶媽媽去加拿大，有說長者易受感染，他卻認為已接種疫苗無需害怕，最重要多帶媽媽四處走動，開闊眼界，讓她開心。「我哋南亞裔人唔會將爸爸媽媽送入老人院，一定陪伴喺身邊。有時老婆唔喺屋企，老媽要沖涼、換衫、梳洗等，我都會做。我希望（自己）仔女見到會有樣學樣。潮流會變，但親情唔會變！」
娶老婆3揀1
喬寶寶自言是個易滿足的人，沒甚麼宏大目標，只希望自己有能力幫助別人。剛滿52歲的喬寶寶，正處於半退休狀態，最想拍一套關於自己人生的正能量電影。喬寶寶人生中的重要人物非太太莫屬。原來他中四時為了拍拖將頭頂上的髮髻剪掉，那把長及膝的頭髮也沒有留下來，把媽媽氣哭了。「因為唔識溝通，佢（媽媽）一直唔准我娶香港女仔。我 19 歲，佢畀三張女仔相我揀，有加拿大印度西施、英國印度西施、印度嘅印度西施。第一個係千萬富婆，不過已經有細路，我麻麻哋（鍾意）。第二個係百萬富婆，但佢嘅體型同我差唔多，我驚洞房時會砸親我。第三個就係而家嘅喬嫂嫂，佢家族同我哋差唔多，擁有16 個大球場嘅土地。阿媽算盤打得響，照傳統婚禮全由女家負責開支，我又唔貪錢嘅，哈哈哈！佢大我四年，個樣唔錯，係大學生，而我只係中學生。我結婚帶住乜嘢去？帶咗套西裝同牙刷囉！」
大家認識喬寶寶全因他於2005 年參加電視節目《殘酷一叮》，成為第一代「叮王」。他回想當年參與第一次節目即被評判謝霆鋒「叮走」，幸好其後入圍，最終更得到第二名。「我當時喺懲教處工作，要押啲犯人去法庭，啲犯成日都話『你鎖我啦，我要比喬寶寶鎖』，真係唔知好嬲定好笑。」成為「叮王」後，他還分享了一段與前特首曾蔭權於地鐵的奇遇。
喬寶寶在香港出生，已認定自己是香港人。「我希望逆境好快過去，永遠要正面去睇人生。人有三衰六旺，點解一定要將注意力集中喺衰嗰方面？無嘢係無可能，勤力啲，回報可能喺今日、聽日或者後日，我相信回報一定會嚟！」
更多最新疫情資訊，請到以下專頁瀏覽 按此
立即下載 | 全新《星島頭條》APP : https://bit.ly/3yLrgYZ
|
鍾意就快D Share啦！
|
|
|
