無綫藝人孔德賢曾拍攝劇集《把關者們》、《香港愛情故事》及《法證先鋒V》等，累積不少經驗，他之前於原創微電影：出發2022：《手錶》中首次擔演男主角，劇中甚有發揮，而電影現已開始於港台31台播放。
孔德賢於戲中飾演「袁家寶」一角，其父母分別由譚耀文及康子妮飾演，戲中一家三口的演出充滿親情和溫暖，戲中其他演員包括車婉婉、阮德鏘、陳明熹等。孔德賢接受東網訪問時謂：「終於出街好興奮！我喺最近一個單元劇入面首次飾演男主角，好開心可以遇到一班好好嘅團隊，導演亦非常有耐性咁同演員講古仔，亦指導我做得更加好。」他又指今次可以與譚耀文合作，演繹一個感人的父子故事，已經賺了好多，他謂：「一開始我都唔敢主動同阿譚前輩講嘢，係佢主動撩我講嘢，仲同我分享佢入行以嚟嘅心得同經驗，毫無架子，佢仲叫我畀心機慢慢努力向自己目標進發，真係好多謝呢位戲中爸爸。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|