焚身丨鄭嘉穎拍激情戲向老婆備案 私下唔會跟異性直接聯絡
鄭嘉穎、朱晨麗和陳靜觀（Dada）在新戲《焚身》中，有一段另類的三角關係，三人日前接受訪問，嘉穎形容戲中的Dada絕對是男人的惡夢，慶幸現實中從未遇過這類異性，又透露戲中雖與Dada有激情戲，但究竟在戲中是否真的有發生關係都是未知數，嘉穎表示：「現實中，醉到不醒人事『斷片』嘅話，一定唔會發生。（婚後變成了異性絕緣體？）我同兩位女拍檔私下完全無聯絡，工作上都係由同事聯絡，問我攞電話都是俾經理人電話。」
不過拍攝激情戲前，嘉穎當然有向太太陳凱琳備案：「激情戲嘅劇本都唔會寫得好詳細，去到現場我哋先會傾點拍，男演員最怕引起誤會，最重要係傾完之後，Dada覺得可以先會拍。（之後會不會減少拍激情戲？）演員好被動，我唔會框住自己，呢類型嘅戲又未試過，有機會都會想嘗試。」
朱晨麗恨做小三
Dada則大讚嘉穎是認真嚴肅的演員，拍攝前彼此會好好溝通，她又指今次過足戲癮：「個角色有創傷後遺症、妄想症同埋幽閉恐懼症，係一個好癲嘅人，現實中我個人比較理智。」朱晨麗在戲中引狼入室，造就一幕三人同床的場面，但現實中，她表示如果拍拖就會信任對方，幸好未遇過渣男，她又坦言希望嘗試演Dada的角色。能接受的尺度有多大？朱晨麗笑說：「可以去到好大，但未有人搵我，我都想知自己嘅尺度可以去到邊，要靠導演、編劇發掘出嚟。」
文：黃佩麗 圖：朱偉彥
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
.jpeg)
.jpeg)
|
鍾意就快D Share啦！
|
|
|