黃子華潘燦良舞台劇《最後禮物》延期6個月終開鑼 出品人楊受成爆退票近乎零
由黃子華及潘燦良主演的舞台劇《最後禮物》，本於今年一月份公映，不過因疫情關係而延至昨晚（22日）才假灣仔演藝學院首演。完場後，出品人楊受成專誠上台感謝該劇的台前幕後以及觀眾在這段時間耐心等待，他說：「6個月後做呢個舞台劇，做得非常好，多謝佢哋。我要多謝觀眾同埋嚟緊39場嘅觀眾，我聽講當日決定停之後出通告，觀眾可以退飛，但退飛嘅人差唔多係零。」潘燦良則指從沒聽過身邊的朋友表示要退飛：「死都要揸住張飛，等到我哋演嗰日，多謝同我哋一齊堅持嘅觀眾。」
至於黃子華則先多謝出品人楊受成先生，他說：「喺呢個騷停嘅六個月，中間好多騷停咗就冇咗，好陰公，要好有實力嘅人先可以安排做返咁多場。」而子華又笑指在排練初期，拍檔潘燦良已向他表示演這部戲好勞氣，健康差點亦做不到：「導演又激死，因為我哋成日問好多問題，總之成個團隊合作好愉快，好感恩能夠有呢次機會，亦感恩大家冇走到，多謝！」
出品人楊受成感謝觀眾支持。黃子華直指要好有實力嘅人先可以安排做返咁多場。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
