吳婉芳兒子胡智同（Lynus）與友人合資的健身中心今日開幕，媽咪與胞妹胡智晴、湯鎮業孖仔湯君慈與湯君耀、上山詩鈉女兒Hilary等也有捧場，就連Lynus的「歌神契爺」張學友亦驚喜現身。
Lynus透露健身中心籌備一年，但因疫情關係，延期了一年開張。問到會否擔心疫情反彈而影響生意，他坦言有心理準備，但仍對前景充滿信心，他說：「投資咗七位數，預計2年回本，依家已經計劃開分店。我哋呢個係全新嘅概念店，會搞好多唔同活動，唔想畀人覺得健身係好辛苦嘅事。（依時有幾多會員？）我哋唔想收太多會員，有啲人喺等候名單中，因為唔想太迫，想畀人一個舒適嘅環境。」
問到媽咪是否會員之一，他笑言對方是VVVIP，又大讚媽咪身材弗，無需減磅，而契爺學友亦是會員，他說：「佢同我媽咪一樣都好弗。（如果佢搵你做佢健身教練，你做唔做？）我一定會教。」他自言日日會在健身中心坐陣，問到是否吸引很多女學員慕名而來？他說：「我會叫其他教練教佢哋。（如果指定要你教呢？）我好忙，已經爆咗！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
