《I SWIM》被狠批導演馮志強出Po回應 網民斥唔知衰乜求放過演員
由呂爵安（Edan）、魏浚笙（Jeffrey）、吳海昕，袁澧林等主演的ViuTV劇集《I SWIM》，昨晚（22日）播出大結局，網民對於劇集的評價明顯反應兩極，有網民表示本身就只想睇靚仔靚女，劇情如何並不關心，但亦有網民批評劇情不合理又老土，心疼演員辛苦拍攝，戥他們的付出感到不值。
對於事前對劇集充滿信心的導演兼編劇馮志強，早前放風會開拍《I SWIM》電影版，都被網民力勸收手。馮志強面對批評，昨晚（22日）凌晨於IG打長文回應，表示知道網民對於劇集反應好兩極，更有朋友勸他不要出現在結局後開的facebook Live中，免得引網民不滿。但最後他亦如常現身facebook Live中，他表示：「我從來無諗過唔出現，一來我只係普通人唔會有咁嘅影響力， 二來我好想陪住班演員完成埋《I SWIM》呢趟旅程嘅結尾，我亦相信及有信心香港觀眾都係理性討論。」
面對批評馮志強亦虛心接受，表示會積極注意同檢討，「我知道反應好兩極，有啲瘋狂咁鍾意，又叫又笑又喊，有啲係另一種極端，刀片、惡語都有。世界好大，疫情、戰爭、天災人禍，《I SWIM》能夠喺短短兩星期得到大家嘅關注同討論，有一個渠道畀大家享受、打氣或宣洩，都係我哋嘅一種福氣。」又指劇集播出得到好多久未聯絡的朋友、前輩的鼓勵及支持，「好多同行、導演、監製問我入面啲演員叫咩名？戲好唔好？ 佢哋未必講得出演員全名，但都會叫佢哋嘅角色名，呢類訊息超過大半，好感恩同行嘅比面。」又希望各位導演可以留意劇中的新演員及幕後團隊，給他們更多機會。
網民對於《I SWIM》亦是實話實說，好多網民都打成百字留言講意見，可見真心希望劇組改善，未來可看到更好的作品。有網民大讚演員表現出色又有觀眾緣，正因此觀眾才忍受到劇情的不合理，睇晒十集，同時為這班努力的新生代不值。亦知道台前幕後一定付出了很大的努力，但劇情的確是敗筆，「好可惜因為一個唔合邏輯、冇起承轉合、內容欠奉嘅劇本破壞咗所有人嘅功勞，我係為佢哋不值同難過。」同時亦似乎對於導演馮志強指部份網民的負面反應稱為「刀片」、「惡語」而不滿，「邊一方面做得好觀眾有眼去睇，懂得思考唔會胡亂批評，如果今次做得唔夠好，坦誠去認去改善就可以，唔係將評語同意見講成針對的惡言。」又力勸導演如果真的開拍電影版，應透過大家的真實評價再調節劇本。
不過亦有網民持相反意見，「請不要開電影版了，因為睇起上嚟，導演同團隊，都未知自己今次衰喺邊度」、「辛苦你，但請放過演員們佢哋努力練水並唔係為咗被你多餘又不濟嘅劇情毁於一旦。見到隻仔一直操練、趕頭趕命、捱到瘦晒，但最後套戲係咁樣嘅質素真係勁痛心。請放過佢哋。」
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
|
鍾意就快D Share啦！
|
|
|
