藝人林子善、梁諾妍及姜皓文等，今午（9日）為港台節目《醫家搞邊科》錄影。子善和梁諾妍受訪時大讚中醫幫到手，子善表示：「之前我太太瞓唔到覺，睇咗中醫、食兩劑藥就瞓到。」梁諾妍則回憶3月底確診時，亦試過網上睇中醫，效果相當不錯。
談到丈夫洪永城返內地拍劇，她說：「佢出門口嗰日攬攬我，搞到我幾乎忍唔住（眼淚），當時都覺得應該會掛住佢，但夜晚就冇事嘞。我哋日日都有視像，況且囡囡同佢成個餅印，我諗佢視像都係想見個女啫。」她補充確診期間獨自躲在房間隔離，只可以隔着玻璃望望囡囡，感覺如同丈夫目前心情一樣：「佢去3個月，即係話囡囡6至9個月佢都唔喺度，相信會錯過咗好多寶貴嘅時刻。」
同樣育有愛女的子善坦言明白洪永城心情，講到眼濕濕，果然性情中人：「我之前都係上咗內地工作3個月，出門口嘅時候攬住囡囡，之後喊咗出嚟，所以我返嚟嘅時候畀驚喜太太同囡囡，失驚無神出現喺佢哋眼前。做咗爸爸之後，我更加相信女人係應該要嚟錫嘅。（依家有咩新工作？）4月返嚟之後都喺度休息，個市咁差，惟有守住先。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|