「宇宙最強」甄子丹早排同老婆汪詩詩去完旅行後，呢排專心操Fit身形，仲挑戰玩瑜伽。日前佢就喺社交網分享影片，見佢對住落地大玻璃拉筋，仲做出各種伸展動作 ...
「宇宙最強」甄子丹早排同老婆汪詩詩去完旅行後，呢排專心操Fit身形，仲挑戰玩瑜伽。日前佢就喺社交網分享影片，見佢對住落地大玻璃拉筋，仲做出各種伸展動作，估唔到呢位硬漢嘅柔軟度咁驚人，就連盤腿前彎、一字馬等動作都冇難度，相當犀利。之後子丹仲玩埋跑步機，仲喺貼文問：「大家有冇做運動？」而網民就大話佢「威武霸氣帥」，仲搞笑留言話：「不羡鴛鴦不羡仙，只羡子丹每一天。」、「喜歡丹哥的鐵『骨』柔情」、「丹哥我為了學轉身後踢，結果褲子破了幾條，能報銷嗎？」
