藝人蔡卓妍（阿Sa）與影帝劉青雲主演嘅電影《神探大戰》即將上映，阿Sa今次更為電影犧牲，驚現毀容Look，令唔少粉絲非常期待。而喺尋日（16日）佢就喺 ...
藝人蔡卓妍（阿Sa）與影帝劉青雲主演嘅電影《神探大戰》即將上映，阿Sa今次更為電影犧牲，驚現毀容Look，令唔少粉絲非常期待。而喺尋日（16日）佢就喺社交網貼出影片，見佢為頭髮挑染咗新髮色，黑中帶紫，睇落Sharp醒有型！之後又見佢笑笑口，對住塊鏡左照右照，睇嚟相當滿意呢個新造型。但下一秒，佢即變「黑面」，仲露出奸笑樣，寫到：「世上的人都有兩面！」唔通阿Sa暗示自己係雙面人？梗係唔係啦，佢只係為電影宣傳咋！而網民就大讚阿Sa新Look可愛有型，仲話會去戲院見証佢精湛嘅演技！
