新人周漢寧憑ViuTV劇集《教束》中飾演學生「莊子」一角而為人熟悉，最近他演而優則唱，為電影《緣路山旮旯》獻唱片尾曲《Melanie》，歌名正是以戲中由余香凝飾演的女主角Melanie命名。
對於有機會主唱片尾曲，周漢寧表示心情非常興奮：「歌詞非常能夠表達出年青男女徘徊喺友情同愛情的邊緣，就要向前多走一步突破關係嘅甜蜜，一字一句都非常到肉，又同電影情節互相呼應。我本身都試過好似電影嘅男主角岑珈其咁，暗戀各方面都比我『高大』嘅女神，但最終係『越級挑戰』失敗！不過電影入面嘅珈其的確為我哋『男子組』帶嚟鼓舞同希望，講出只要有真心和誠意，總會搵到伴你同行嘅人。」周漢寧自爆《Melanie》並不是他個人首次公開主唱的歌曲，在他小學二年級時，曾獲「麥兜」的創作人麥家碧邀請主唱電影《麥兜菠蘿油王子》的歌曲《教我如何去小便》。
本文作轉載及備份之用 來源 source: http://hk.on.cc
|
鍾意就快D Share啦！
|
|
|