保錡見張家輝想即場扮化骨龍 想認「超級富婆」杜如風做契姐
吳保錡、杜如風（Helen）與王頌茵今日到九龍灣宣傳節目《拆你個夢》，保錡笑言已認Helen做契姐，被她要求送MIRROR演唱會門票正式上契。講到日前在金像獎上被偶像張家輝點名，保錡笑說：「我發夢都會大叫我愛張家輝，我細個已想做明星，最鍾意佢嘅《激戰》搞笑又辛酸。（當晚見到家輝？）有，去完廁所返舞台時見到家輝，我話我係『保錡仔』，係超級大Fans，想扮化骨龍畀佢睇。（操肌睇齊？）我𠵱家都好大隻。」問學識拆夢是否多了追女仔招數？他稱：「𠵱家用作品說話，做好節目從業員先。」
ViuTV 新節目《拆你個夢》宣傳。杜如風話梁朝偉地位已升上神枱，現在花心鍾意埋宋仲基。保錡就視張家輝做超級偶像。王頌茵
Helen即席畫了夢見與梁朝偉及宋仲基在孤島，她笑言現在花心多了宋仲基，因梁朝偉在她心中已上了神枱，問往後是否轉攻韓國節目？她笑言有拍過，只要可以購物就難不到她。問可有夢到真的姻緣？她笑言也希望快點出現。保錡笑指Helen有錢，令男士怕高攀不起，她笑言被保錡形容為超級富婆，若是真的超級富婆便不用工作，她又指，不介意和另一半「AA制交租」及「AA制去旅行」。
保錡笑言已認杜如風做契姐，但杜如風就話要MIRROR 演唱會飛做上契禮物。家輝喺台上「點名」叫保錡。保錡開心到呆咗，佢話遇見對方時，好想扮化骨龍畀家輝睇。
星島新聞集團慶回歸25周年專題網站，請即瀏覽
立即下載 | 全新《星島頭條》APP : https://bit.ly/3yLrgYZ
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
