楊茜堯（前名楊怡）與老公羅子溢（前名羅仲謙）結婚5年，前年4月誕下愛女小珍珠，去年12月誕下幼子，湊成一個「好」字，夫妻生活美滿，不時喺IG分享與一對子女嘅生活日常。昨天係羅子溢38歲牛一，仲係19年一遇，新舊曆同一日，羅仲謙分享兩公婆陪年幼子女玩水嘅溫馨慶生圖片，留言「快樂就係咁簡單。」相中兩公婆喺私家花園內為兩小姊弟搭建咗個私人泳池，楊茜堯租住嘅大埔豪華別墅式屋苑，附設嘅寛敞私人花園亦意外曝光。
楊茜堯租住嘅大埔別墅式屋苑，附設寛敞私人花園亦意外曝光。
喺單親家庭長大嘅羅子溢自從與楊茜堯結婚後，無時無刻都以家庭為重，就算生日都以子女行先，炎炎夏日，就喺私家花園內搭建咗個私人泳池，同一對寶貝子女嬉水慶生，池邊除咗有波波外，仲有恐龍公仔，置身其中啱晒小朋友，重點係唔使出去同人迫。
對於老公生日，楊茜堯留言，happy birthday，我家大人細路祝你身體健康，一直一直咁靚仔，一直一直咁有型，一直一直咁開心，sweet到爆。
本文作轉載及備份之用 來源 source: http://eastweek.my-magazine.me
|
鍾意就快D Share啦！
|
|
|
