藝人朱敏瀚（朱仔）與JW（王灝兒）今日（29日）出席《痞子殿下》宣傳活動，玩遊戲時朱仔被熱情粉絲隔口罩錫面，反應不來的朱仔一臉愕然。
而現場所見朱仔行動緩慢，他解釋日前踢足球拉傷大腿，但並無大礙。提到粉絲獻吻，他坦言：「我都有啲意外，好開心套劇好受歡迎，好多粉絲鍾意，多得現場黃建東鼓勵粉絲，令佢哋對我咁熱情。」
講到劇中的親熱戲，JW稱只有錫臉，沒有接吻場面：「導演冇要求。（如果有需要錫嘴，你接唔接受？）到時睇劇本，咁我依家都係專業演員。今次拍劇好開心，一開始好驚，因為係新嘗試，我做咗十幾年歌手，演戲係由零開始，出到嚟多咗好多大人小朋友鍾意我，好欣慰，想再拍多啲劇。」至於朱仔笑言想嘗試挑戰唱劇集主題曲。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
