藝人陳瀅與周嘉洛早在拍攝劇集《痞子殿下》時已傳出緋聞，但2人一直否認，惟近日周嘉洛被拍得出席完活動後，第一時間並非返家休息，而係鬼祟搭的士去陳瀅位於柯士甸道嘅香閨，甜蜜短敍過2人世界，有指佢臨到達前，仲特意叫司機喺附近兜圈，且不時張望，去到女方住址後仲同保安打招呼，似係去慣去熟。周嘉洛接受東網訪問否認此事，指每次去陳瀅屋企都係同朱敏瀚及JW一齊，而被拍得當日亦只係朋友聚會。問到傳緋聞可會避嫌？佢就話：「最近成日宣傳 ，我哋幾個都成日都見，都冇特別去諗要避。」
陳瀅否認單獨約會
陳瀅今日（23日）出席時裝活動，面對記者追問戀情氣定神閒，連聲否認，並將嘉洛納入「只係好朋友關係」，又打趣說：「佢身邊好多其他女仔㗎。」談到讓對方「登堂入室」，陳瀅說：「其實自從拍《痞子殿下》後，朱敏瀚、JW、周嘉洛同我成日四人行，少一個嘅約會都考慮改期，所以絕對唔㑹有兩個人單獨約會，一定冇閃閃縮縮，我哋光明正大嘅。近期會約埋一齊拍片，咁我屋企交通比較方便，所以佢哋成日上嚟聚會，尋晚、前晚都有上嚟。」
咗Truth Or Dare
而嘉洛被拍得現身其樓下，陳瀅解釋正正是「約埋拍片」：「條片過2日出街，大家記得睇！我哋嗰日玩咗Truth Or Dare，日光日白大家飲咗一支烈酒，因為問啲問題好尖銳，例如JW問我邊段緋聞係真，又問家樂有冇畀女仔追，梗係唔答啦，有時佢哋認為你答得唔好都要飲。」
問到陳瀅會否擔心緋聞拍拖追求者，她說：「都忙到冇時間同異性相處，對上一次同異性食飯，只係同個導演食。（唔係周嘉洛，唔通係朱敏瀚？）佢都好大隻，依家我忙緊幫佢搵女朋友。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
