。
藝人陳凱琳以Tube dress裙晒香肩在金鐘獲邀擔任美容公司代言人，她透露一向有做facial和spa的習慣，老公鄭嘉穎則怕尷尬不喜歡做spa，她笑說：「佢就成日攞我啲護膚品嚟用，仲成日問我有冇新嘢可以用。」
講到嘉穎最近生日，她指現時每年也是連同結婚周年、老公、爸爸生日，一家人一齊食飯慶祝：「結咗婚之後慶祝都好簡單，希望出年可以一家人去旅行，細仔喺疫情下出世都未去過旅行，希望可以帶佢去泰國，或者我哋結婚嘅地方峇里島，或者去溫哥華探吓細佬。」
由於要照顧小朋友，陳凱琳拍劇要再考慮，現時樂於擔任明珠台做主持，拍片、剪片做KOL，可以有多點時間照顧家庭，至於老公則發展清晰，專注演戲。問到嘉穎可有計劃大陸工作？她說：「佢係好爸爸，唔捨得小朋友，唔想錯過佢哋嘅成長階段。同埋疫情都未好番晒，驚感染小朋友，所以想睇定啲，最安全先至再出去工作。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|