新一屆香港小姐冠軍林鈺洧（Denice）、亞軍許子萱、季軍梁超怡與「友誼小姐」邢慧敏到中環岀席活動。佳麗們近期忙於出席領獎活動，近兩星期的工作也爆滿，問到隨後發展上希望拍劇還是綜藝節目演出？林鈺洧表示要看公司安排，有機會最想拍攝處境劇《愛．回家之開心速遞》，她笑說：「好想做大小姐（林淑敏）嘅秘書，想畀大小姐『篤魂精』，哈哈。」許子萱則暫時推遲到英國牛津或劍橋修讀MBA的計劃：「學校回覆咗可以遲啲入學，有時間會再去睇睇校園，再決定讀邊間，都想試吓拍劇、主持節目先。」梁超怡則希望拍攝旅遊節目與真人騷，笑言當然希望有機會再與梁朝偉合作。當年她曾在電影《無間道》中與梁朝偉飾演父女，轉眼間她已經亭亭玉立，成為香港小姐。
講到收藏習慣，林鈺洧原來有一個相當另類的喜好，她笑說：「我好鍾意儲暖壺，2015年鍾意咗煲湯之後，就買咗好多暖壺用嚟裝湯，屋企有成25個暖壺。」笑問有意追求的男士，是否送暖壺更容易打動芳心，她笑說：「未有人送過，都冇乜人知，送乜都冇所謂，心意嚟。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
