無綫近年鬧「花旦荒」，近日有傳無綫將邀請近年主力內地發展的兩大視后佘詩曼及楊茜堯回娘家拍劇，有指新劇名為《新聞女郎》，由鍾澍佳監製，當年《宮心計》爾虞我詐的經典組合「三好」及「金鈴」再度合作，令人期待新劇或成為時裝版的《宮心計》。佘詩曼及楊茜堯向來係收視保證，其中阿佘更憑內地劇集《延禧攻略》、《燕雲台》等劇人氣急升，成為內地炙手可熱嘅港星。雖然消息未知真偽，但早前佘詩曼曾經為拍攝內地節目而重返電視城，當時佢已講到明：「有好劇本我會返嚟嘅！」回巢拍劇隨時有望。
監製鍾澍佳回覆東網，表示：「是有這個劇本正在創作中，更正一下劇名是《新聞女王》才對，也真的我會自己做劇本和拍的，演員陣容真的未定，任何的組合和可能性都有，正如之前一些報導中阿佘講：『有好劇本的話？是甚麼可能都會有的？』又正如《下流上車族》一樣，大家努力去做好劇本，才可做到口碑和收視都不錯的作品的。」
楊茜堯則回應指：「其實乜都未知，我係有接觸吓，但所有嘢依家都未落實，學佳哥話齋，乜嘢都有可能嘅，我都係專心湊住小朋友先，如果有好嘅劇本，我都會想做吓嘢，都想拍劇嘅！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|