張美妮「Elaine」一角的真正身份在昨晚一集揭曉，魯振順飾演的「鳴善大師」的左右護法先後離奇遇害，他打算夾帶私逃時被張美妮攔截。其後張美妮突然自爆，表示她的妹妹早年慘遭魯振順強暴後自殺身亡，愈講愈激動的她用刀襲擊魯振順，可惜最終被對方反撃成功，遭怒摑兼被刀插至倒地，畫面震撼不少觀眾。
點撃睇Elaine情緒大起大跌殺人連環圖：
張美妮除了首次演殺人戲外，也是第一次被對手掌摑，她坦言角色既吸引又大挑戰。她講到：「以前未試過拍被摑戲，因為真係大大力咁摑落嚟，所以都有啲痛，同埋塊面腫晒同紅晒。我最怕唔係痛，而係面腫咗會唔靚。所以拍完之後都冰敷咗成個鐘消腫，務求唔會變鴛鴦面。」張美妮亦講到為了拍這場情緒起伏大的戲碼花盡了全力，收工時整個人體力透支。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
