藝人錢嘉樂15歲開始入行跟哥哥錢小豪做龍虎武師，以前相當辛苦，乜都要做，亦好似《超能使者》陳展鵬做臨時演員咁，導演放食飯，吊足幾個鐘頭威吔都冇人理，睇劇時大家覺得好好笑，但呢啲全部都係真人真事，錢嘉樂都曾經歷這些吃苦日子，做到周身傷痛。
而日前，有網民拍下長洲毆鬥事件，一名身穿紅色長袖外套的男子與另一男子疑因企位問題而發生衝突，更演變成MMA現場，不過，網民的重點卻放在紅衣男身上，疑似是錢嘉樂，當然，事件中的紅衫男並不是錢嘉樂，不過事件就引起熱論，就連錢嘉樂太太湯盈盈都話好好笑，仲話老公冇紅色衫。
現時錢嘉樂雖然有做主持，但主力幕後做武術指導及導演，現時已很少見到他使出真功夫，不過經過今次「A貨錢嘉樂」事件後，昨日錢嘉樂就轉載一段多年前的打拳片段，片中的他於拳館練拳，拳來拳往之餘，腿功亦非常有勁，下下踢到BANG BANG聲！網民看了此片後都紛紛留言，指「如果係真錢嘉樂使畀人打到咁」、「係嘉樂仔就兩嘢KO佢啦」。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
