台灣舞王羅志祥曾被舊愛周揚青怒揭荒淫史，導致形象插水一度停工，演藝事業全面叫停，連長達19年嘅綜藝節目《娛樂百分百》主持工作都要暫停，但隨住近年佢全面復出，出歌兼開騷，最近佢亦正式回歸綜藝界，原來佢已秘密加盟全新寵物真人實境節目《TOP DOG》，聯同任容萱、陳楚河、魏蔓、李宣榕及胡宇威共6位藝人與流浪狗共同生活展開新旅程，其中家有愛犬巨型貴婦狗Yuki嘅佢今次獲節目重新分配，與虎斑犬湊成一對，佢表示兒時家中亦曾收養流浪犬，自小就陪伴流浪犬長大，更自認係「兄弟型主人」，對於收服新拍檔好有信心！
據知節目預計於明年1月起開播，與此同時羅志祥早前亦宣布正參與露營實境節目《從零開始》錄製，節目同樣預計於明年第1季推出，意味住羅志祥將雙箭齊發，強勢回歸綜藝界，或重登「綜藝天王」之位！
本文作轉載及備份之用 來源 source: http://hk.on.cc
|
鍾意就快D Share啦！
|
|
|