藝人陳凱琳（Grace）已為老公鄭嘉穎誕下兩位公子，估唔到二人咁勤力，今日（28日）齊齊宣布家庭再添新成員，更拍片大晒明顯凸出嘅孕肚，令人驚喜！陳凱琳感性發文，指BB係最珍貴嘅禮物，仲話生命係預計唔到，似係暗示今次大肚係「意外」：「生命可能預計唔到，但呢份就一定係最美嘅祝福🙏🏻好興奮可以同大家分享我哋屋企要再擴大，家中再添新成員🥰❤️我先提前多謝大家嘅祝賀，我哋都等唔切想見到BB🤰🏻」片中佢同鄭嘉穎煙韌攬攬，當中身穿貼身連身裙嘅Grace，孕肚非常明顯，佢同老公錫嘴仔之餘，鄭嘉穎仲出手摸摸個巨肚，冧爆又溫馨，真係恨死隔籬。
對於第3度做爸爸，鄭嘉穎回覆東網指感恩上天安排：「多謝好多朋友祝福，全部收到，總之感恩上天安排，心滿意足！」而陳凱琳好姊妹龔嘉欣亦即時回應東網，佢除咗大嗌好開心之外，被問會否叫Grace減少工作，專心養胎？嘉欣話：「仔女都開心呀，佢已經有兩個小朋友，有晒經驗，佢自己都會安排得好好😀😀😀」
本文作轉載及備份之用 來源 source: http://hk.on.cc
|
鍾意就快D Share啦！
|
|
|