藝人岑麗香在九龍塘為巨型聖誕樹揭幕，香香雖然已經是兩個兒子的媽媽，但一直保持苗條身段，網民大讚她樣靚身材正，問到怎樣保養？她笑說：「自己喺屋企有做facial，同埋屋企有兩個啞鈴，一個30磅、一個34磅，就係我兩個仔，所以無時無刻都喺度做緊運動。」
講到聖誕節會否外遊？她笑說：「之前夏天已經去咗旅行，帶兩個小朋友去旅行要執好多嘢，所以好慶幸聖誕可以留喺香港慶祝。」香香又透露大仔窩心保護媽媽的舉動，會準備聖誕禮物獎勵：「我好驚曱甴，試過有次喺屋企大嗌，佢就問媽咪咩事，然後話下次如果再見到曱甴就話畀佢聽會幫我，後來再見到曱甴，佢就拖住我隻手話帶我去安全嘅地方，雖然得3歲半人仔，但好懂事，真係冧晒。」她指會禮物獎勵大仔，自然少不了細佬一份，避免呷醋。香香期待細仔長大點再拍劇，工作上就留待公司安排。講到陳凱琳與鄭嘉穎再做父母，陳凱琳宣布佗第三胎，問到可有計劃追多位女孩？香香笑說：「冇諗過，呢啲最好係順其自然，自己知足，亦自得其樂，哈哈。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|