藝人馬國明今日（28日）現身活動，他早前表明有意明年跟女友湯洛雯結婚，他稱已收到不少朋友祝福：「希望佢哋除咗預早祝福外，都可以預早畀定人情，哈哈！」他坦言婚禮仍未有定案，一切要跟女友從長計議，但不擔心，因有好兄弟兼過來人林子善及黃嘉樂幫手。
另外，馬國明最近跟女友新居入伙，他表示終於把新居收拾得差不多，問到是否成為一家之主？他否認：「唔係，我最近唔使開工，負責家頭細務，以前太依賴阿媽，依家要學習。（有冇蝦碌事發生？）一定有，洗衫時試過將女友嘅衫染咗色。（同居有冇磨擦？）暫時都OK，都係開心。（有冇壞習慣要改？）冇乜特別壞習慣。我依家最叻係洗碗、洗衫同倒垃圾。（煮飯呢？）女友叻啲，但大家都比較少下廚，因為執屋已經好攰，都係煮麵、打邊爐或叫外賣多。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|