無綫小花江嘉敏昨日（11/11）缺席TVB節目巡禮，原來是因為腸胃不適，痾到「腳仔軟」，她在IG Story出post透露：「飲咗半杯奶，屙水屙到腳仔軟，一定唔係奶嘅問題，只係個天聽到我想輕啲個要求。然後我滿心歡喜，企上個磅……點，解，會重，咗，㗎？」江嘉敏以短訊回覆《香港01》表示：「屙到pat pat好痛」，未能出席節目巡禮亦感到很可惜，她說：「因為搵晒化妝整頭搵晒衫，難得有得扮靚。」
