童星出身的藝人唐寧近年已淡出娛樂圈，開設了社交平台頻道拍片。上個月她透露已移居新西蘭。昨日（15日）更化身導遊介紹新西蘭的景點，全程擔當主持及試玩，挑戰極限𤧶韆鞦，玩完後有點興奮更一度爆喊。
挑戰成功後，她表示因為很感動才哭了出來，並表示由做童星至今已入行已30年，外界都較熟識她的藝名「唐寧」，表示：「自己由細做戲，『唐寧』呢個名、呢個身份亦都跟咗我好耐，其實有時我都會諗，『唐寧』同『江麗娜』有冇分別。『唐寧』成日都好似好開心，又介紹呢樣介紹嗰樣，都好似幾懂事。但『江麗娜』係點呢？我覺得好似連我自己都唔係幾認識自己，我認識嘅『江麗娜』其實好怕事，好多嘢都唔敢去做，或者會驚自己做得唔好，或者驚自己做唔好，或者做唔到咁。」她指出自己缺少克服的勇氣，自言決定到紐西蘭生活對她來說是踏出了很大的一步，表示：「我覺得除咗希望能為自己同身邊嘅人去安排一個更好嘅將來之外，我係好想去搵吓『江麗娜』係點。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
