麥玲玲續強調，最重要是「唔好整壞咗」，她說：「其實透過整容，或者化妝微調都可以令親和力強啲。舉例如果你顴骨好高嘅，出嚟啲人見你，嘩，睇上去好酷、好惡喎，唔好同佢講嘢啦，陣間佢會唔會寸我呀？男仔都會咁諗，怕冇面㗎嘛！」
麥玲玲認為微調或化妝淡化顴骨位，以及搽柔和色唇膏均有助增加親和力，從而提升桃花運，她說：「男仔鍾意咩呀？鄰家女孩呀嘛，佢覺得好似鄰家女孩咁，又生得靚，梗係好㗎！佢唔使女神，女神攞嚟望㗎咋。所以如果你面相可以做到嗰個感覺，就梗係好」
麥玲玲又醒大家幾招教追女仔：「好多男仔問點解追唔到女仔，因為你個人唔過癮，你悶蛋一樣。」麥玲玲認為追到女仔的不是有錢人或靚仔，便是風趣幽默的男仔，「唔使靚㗎，你同佢傾偈好開心，都係追求呢種感覺咋嘛！有啲男仔話題終結者嚟，你同講咩佢都停咗，你話點搞呢？」
本文作轉載及備份之用 來源 source: http://www.hk01.com
|
鍾意就快D Share啦！
|
|
|