梁洛施和江美儀看似「大纜扯唔埋」, 但二人近年不時同框，無論係江美儀生日抑或奪后，梁洛施都有送上祝賀。江美儀日前接受《Star Talk》訪問時，提到二人的緣份：「呢個係上天嘅安排，有日拍黎芷珊嘅節目，就拍我平時去打坐、學佛、修佛，之後有日喺社交平台就收到Isabella嘅private message，佢話想跟我學佛，問我可唔可以帶佢去。」江美儀一開始以為是詐騙訊息，其後向朋友查實後，她向梁洛施提議先見一面。「出嚟嗰個真係梁洛施，佢想修佛，我帶佢去打坐、一齊運動，帶佢跑山，兩個好投契。就係咁奇妙，佢而家好犀利，全齋，連蒜、葱都唔食，我都係素，佢仲勁過我。」
訪問中，江美儀又提到自己當年得到「女配角獎」後，開始驕傲同氣焰。「嗰時唔覺，因為我入TVB無耐已經拎最佳女配角，覺得自己得㗎啦，覺得呢啲嘢太簡單，以前喺公司都係做呢啲嘢，而家睇返係有啲驕傲嘅氣焰，係幾黑人憎態度出咗嚟，自己當時係唔知。」江美儀表示直到《親親我好嗎》後被雪藏， 加上疫情，令她靜下來開始反思、修佛。
本文作轉載及備份之用 來源 source: http://www.hk01.com
|
鍾意就快D Share啦！
|
|
|