型男謝霆鋒近日忙於拍攝內地節目《令人心動的Offer》，呢日佢喺社交網晒出工作花絮，見佢拍攝造型照時，發揮Chok神本色，簡單一個眼神已經電力十足。期 ...
型男謝霆鋒近日忙於拍攝內地節目《令人心動的Offer》，呢日佢喺社交網晒出工作花絮，見佢拍攝造型照時，發揮Chok神本色，簡單一個眼神已經電力十足。期間佢同工作人員即席玩「你問我答」，問到佢點維持爆肌身材，佢就公開秘訣，竟然要食得夠多：「我是吃9塊（雞）左右，你吃不夠，你怎麼練都沒用。」笑指如果唔吸收足夠嘅蛋白質，無論點練都只會似條柴，做唔到肌肉漲大嘅效果。而問到佢平時鍾意睇咩短片，佢就表示偏愛睇執屋片以及刺激聽覺嘅「ASMR」，自己仲試過親自拍片研究，即獲工作人員大讚博學多才。
