藝人陳欣妍（Shirley）早前於活動上認識了一慈善機構創辦人，投緣下獲邀隨隊往緬甸做義工。疫情3年以來未有離港，今次「復飛」即行善，難怪她感到意義相當，不過Shirley坦言：「因為當地早前嘅新聞，出發前屋企人都好擔心，但我衡量過自己係去比較安全嘅城市，同埋人哋義工隊一直都定期性探訪，應該問題不大。」
Shirley7號出發，預計11號離開，5天行程轉眼便到尾聲。她感觸透露：「我係負責探訪孤兒院嘅，嗰度啲小朋友好生性，食飯唔使人幫，一粒米都唔會浪費，食完又會分工合作清理飯桌。我喺香港帶咗啲漢堡包、糖送俾佢哋，佢哋又主動分享，將啲糖分開三層，一人一層咁，好識得珍惜，呢啲畫面令我好感動，有啲眼濕濕。」她揚言行程未完，已在計劃下次探訪行程，且呼籲：「因為疫情，好多家庭都養唔起子女，唯有送去孤兒院，令孤兒院嘅人數倍增。大家不妨考慮助養，啲小朋友真係好可愛，希望佢哋可以有個比較愉快嘅童年。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|