由陳家樂及陳曉華等主演的無綫新劇《異空感應》經過長達4個月的拍攝期，日前終於煞科。一班台前幕後齊齊經歷拍攝種種，包括疫下停廠及陳家樂入院等等，再加上經常山長水遠外景，大家建立了一份深厚的友誼。家樂與曉華完成最後一場戲的當晚，監製王心慰已號召及準備好煞科飯娛賓，眾人玩得相當盡興。戲中扮演曉華裙下之神的何遠東（東東）表示﹕「今次係監製同3位主角請客嘅，大家食飯之餘，都爭取機會影相留念。其實成套戲我覺得最幸福嘅應該係曉華，佢有我、家樂同阮浩棕成日包圍住佢，畀好多愛佢呀。」
減肥成功的東東今次挑戰動作場面，他笑說：「我以為自己仲有少少『Cushion』，拍打戲都應該有啲嘢墊住，點知整親原來真係會瘀同痛，即係話我真係細粒咗好多，呢樣嘢比較難忘。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
