兩位童星在謝票現場接受傳媒訪問時，分享他們與鄭秀文、陸駿光在《流水落花》中的合作點滴，鄭秀文作為樂壇天后，在祉嶠與啟嵐出生前早已紅遍華語樂壇，啟嵐表示早有認知，而祉嶠則笑指：「唔知道呀，媽咪冇話畀我知！」但祉嶠卻有把握機會好好「補課」，重溫Sammi的歌曲及演出作品：「有！尋晚！我尋晚睇《瘦身男女》啊！」被問及看見「天美姨姨」在舊作中的肥胖體態有沒有被嚇壞，祉嶠害羞一笑指：「有喎！」而啟嵐則表示：「其實我同我媽咪都係Sammi姐姐的粉絲，我哋一同都有聽佢哋啲歌，特別鍾意今次《流水落花》嘅片尾曲，因為真係好好聽、好感動。」
《流水落花》以寄養家庭為主題，鄭秀文飾演的「天美姨」與陸駿光飾演的丈夫「彬叔叔」，短期照顧先後有需要的小朋友。作為飾演寄養在他們家中的小朋友，祉嶠高興地表示與鄭秀文戲內外也沒有距離感，非常親切：「好親切㗎！因為拍戲嘅時候佢收養咗我！」啟嵐亦補充指：「天美姨真係好好人，同埋好窩心！」
電影《流水落花》中，吳祉嶠飾演患有唇裂病（俗稱「兔唇」）因此遭嫌棄的女童小花，而戲內除了服裝造型外，亦要特意進行化妝。對於帶特效化妝下演繹角色，祉嶠表示：「因為嗰陣時要貼塊嘢落去，跟住我好想搲、好痕，但係都唔可以，因為會整壞佢㗎！」祉嶠不但專業認真地保持特技化妝，亦表示不影響講對白的流暢度：「唔會（影響）呀，因為佢只係去到呢到（指向人中穴）、而唔會去到呢到（指向嘴唇）。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|