藝人林保怡與陳慧珊（Flora）今日（25日）為《無限超越群星演唱會》擔任演出嘉賓，二人惜日曾合演多套劇集，包括《妙手仁心》系列，今日再次聚頭掀劇迷集體回憶，二人亦會合唱一曲《愛不出口》，林保怡説：「原來今次係第一次合唱，所以演出前特別緊張，專登搵朋友幫手揀隻歌嘅Key。」Flora表示已很久沒有上台唱歌，要做好準備不能令專程來捧場的觀眾失望：「尋日綵排播番以前劇集啲片段，好後生。（兩位會唔會再有合作機會？）有機會嘅，任何一個機會都係有機會。」
保怡即表示有想過找Flora合作：「首先一定要有個好嘅劇本，第二就算Flora答應都希望等佢做好自己嘅嘢先，到時會叫佢畀2個星期我。」Flora笑言自己太多角色：「無論媽媽、學生又或者教育工作者嘅角色，永遠都唔會完，所以我做完我嘅論文，只要保怡覺得角係啱嘅我一定會考慮。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|