今日是男團MIRROR的人氣王姜濤24歲生日，雖然姜濤講過今日冇假放，要在工作中度過，但姜濤香港後援會為偶像舉行鋪天蓋地的慶祝活動，包括今早在沙田科學園舉行的生日慈善步行，吸引了超過6,500位姜糖到場支持，場面壯觀，壽星仔剛剛現身，並上台發表深情對話，答謝姜糖對他的支持。
今日（30日）24歲生日的壽星仔姜濤，據知今早6時才收工，完全冇瞓過，就驚喜現身粉絲姜糖為他搞的生日慈善步行。跟粉絲打招呼的他感謝大家：「真係由細到大未試過咁樣企喺度，咁多人同我過生日，（今年最大型生日會？）以往雖然都有幫我慶祝生日，今年係第一次用咁樣嘅形式去同大家見面。雖然6、7點先收工，大家為咗我籌備咗一個咁有意義活動，就算5點半都要過嚟。願望？通常講出嚟唔係唔會靈咩？又唔係生日願望，希望每一年支持我嘅你哋可以一切順利，其實我本身唔知嚟到要講啲咩，冇話諗定講乜，好希望呢個場合，咁齊人，我唔想嘥咗呢個機會，好多時大家見面，唔係太多傾偈機會，畀多少少時間5-10分鐘，影完相，好想同大家講多少少嘢。」
姜濤說一度以為今年年初發生的事情，以為粉絲會離棄，自己要「重新嚟過」，所指的就是在叱咤頒獎禮上瘋狂唱跳以及身形被批，此時粉絲們的叫喊聲此起彼落，高聲疾呼說不會離開，姜濤說：「首先好想同大家講聲，衷心向每一位支持我嘅你哋，講聲多謝，因為我冇諗過今年年頭發生咗好多事之後，你哋仲喺度。我有心理準備，我可能需要重新嚟過！我畀自己心態，就算你哋可能有啲人因為一啲事，而唔支持我而離開，如果啫...我都唔會唔開心，確實係自己喺好多事情方面，冇做得可以令你哋更驕傲，你哋仲喺到，多謝！」
姜濤繼續深情分享感受，尤其是面對評論的態度：「我睇到大家咁支持我，喺每一次喺公開場合表演時，我會充滿力量。雖然外界對於我、或對於大家，可能會有好多評論，點樣都好，我相信無論我個人或大家都好，永遠都係好團結地一齊進步，無論係我個人，或者大家都好，希望喺大家各自人生道路上，搵到可以進步方向，因為無人係完美，even好多人你哋覺得我好好。」
「其實我真係唔係咁好嘅人，我想話畀大家知，其實我都好需要進步，可能大家心入面完全將我擺喺第一位，希望大家將自己擺喺第一位，多啲照顧自己。因為每次見到你哋通宵排隊，唉，真係唔知點講。我希望大家將我變成一個、一齊睇住佢大嘅小朋友，有啲咩唔好地方，要多啲同我講，因為我唔希望生活喺一個讚美嘅環境入面。無論批評或讚美，都應該勇於接受，希望大家多啲提點、教我，我會用我嘅學到嘅嘢，去教番你哋。」
最後姜濤再次表示謝意，說尤其要多謝上半年支持自己的人：「因為你哋嘅提點同批評，令我變得更加好！最後無論大家支唔支持我都好，希望記得生命中有個叫姜濤嘅人出現，令你哋有開心過就足夠！」現場粉絲大合唱生日歌及送上生日祝福，非常感動及開心的他笑說：「我開始覺得我嘅生日，好似節日咁！我仲喺度！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|