藝人李佳芯（Ali）今日（30日）出席馬場活動，她表示雖然不愛賭博，但十分喜歡馬匹：「因為我覺得馬係好有靈性，識得同人交流，我細個有學過策騎，因為學嘅場地有限，依家要學嘅話要排好耐隊先上到堂，所以每逢去外國旅行，我都會去策騎。」問到會否想當馬主？她笑言想先成為樓主：「呢個比較重要，要先滿足咗呢個願望先。（想唔想識個馬主？）我有能力做樓主，但冇能力做馬主，不過唔需要靠人。（離成為樓主有幾遠？）幾時都可以，主要係睇個預算，以前覺得啲樓好貴，但依家見到樓價回落咗，當然唔可能係最低價買到，好似緣分一樣，見到合心水就會買，我一直有留意住。」
另外，提到她在社交網發文指要記得保持笑容，網民擔心她因未有新劇開拍而不開心，她否認：「我唔係唔開心。（恨唔恨拍劇？）聽聞有，大家唔使擔心我，我自己都期待拍劇。」《智能愛人》的監製陳翹英之前透露想等Ali約滿無綫後合作開拍該劇續集，Ali坦言對方私下沒有跟她提過，反問：「佢係咪客套說話？不過都好開心有監製欣賞自己，但我未有咁快滿約。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|