今日係5月13日，睇是日星座運程之前，不如挑戰吓IQ題，一支火柴畀人打穿頭，入醫院包紮傷口之後變成咩？想知答案就要睇《星語》喇！入正題先，今日嘅幸運星係金牛座，你哋各方面運勢都唔錯，感情生活更加係如魚得水。金牛座嘅王君馨自從離巢無綫之後，發展愈嚟愈好，做完內地跳舞綜藝節目之後，再參演甄子丹嘅電影，仲做埋獨立歌手出咗幾首歌添，網民都讚佢係全能藝人。曾經講過為追夢而延遲生B計劃嘅王君馨，近排似乎有所動搖，話受到Rihanna啟發，佗住B一樣可以上台唱歌跳舞，仲話相信個天會有安排。趁住今日感情生活如魚得水，王君馨不妨同老公仔溫馨吓！
處女座嘅朋友財運上升，有閒錢應做多啲好事，利人利己呀。處女座嘅影帝林家棟演技不嬲都好出色，佢喺新戲入面將命理大師演得入型入格，獲觀眾大讚，唔怪得佢受訪嗰陣都話又有戲傾緊，有實力就自然財源滾滾來！
本文作轉載及備份之用 來源 source: http://hk.on.cc
|
鍾意就快D Share啦！
|
|
|