陳靜（DaDa)今晚（12/5）現身香港仔出席香港癌症基金慈善籌款晚宴。DaDa表示即將拍完ViuTV新劇《法與情》可以輕鬆一番，過返正常生活：「我為 ...
陳靜（DaDa)今晚（12/5）現身香港仔出席香港癌症基金慈善籌款晚宴。DaDa表示即將拍完ViuTV新劇《法與情》可以輕鬆一番，過返正常生活：「我為咗呢套劇犧牲咗好多做運動嘅私人時間，成兩個幾月都冇乜點去做運動，體形都反彈咗唔少，不過都無所謂啦，反正套劇我嘅角色係做師奶。嚟近仲有幾組戲就拍完，到時候就可以過返正常生活去做運動。其實呢段時間冇做運動一排，真係好唔慣，慶幸無搞到抑鬱，同埋情緒上出現問題，始終做運動唔止可以鍛鍊身體，仲可以鍛鍊諗法，令到成個人長時間處於最佳狀態，所以做運動真係有好大益處。」
