今日係5月6號，農曆三月十七。嚟緊都會有後生又靚女嘅黃瀅仴Verena，同大家講解生肖運程，係咪好開心呢？咁就記得日日睇實是日最旺生肖係猴，你哋偏財運旺，博彩好易有甜頭，會贏錢，不過記住小賭先係怡情，要適可而止。MIRROR成員屬馬嘅Jer（柳應廷）原來好鍾意足球，仲講過有機會想喺啟德體育園嘅大球場，開個人演唱會，要邊踢波邊開騷！你對足球咁熟悉，今日偏財又旺，不妨試試手氣！
至於屬雞嘅人桃花滿面，單身人士有機會被人追，相信好快可以聽到屬雞嘅薛凱琪喜訊！被內地網民封做「香港最後一位少女」，你就知道佢有幾靚同幾凍齡，今年42歲都保持到娃娃臉。不過佢咁靚竟然極少同人傳緋聞，最為人熟悉嘅一段情，已經係好多年前同房祖名拍拖。Fiona講過自己拍拖低調，係怕分手要同大家解釋，佢唔想諗起分手嘅痛，其實Fiona早年曾患上抑鬱症，需要多啲空間都正常嘅。如果你依家堅單身，今日真係有機會脫單，希望快啲搵到人照顧你
本文作轉載及備份之用 來源 source: http://hk.on.cc
|
鍾意就快D Share啦！
|
|
|