.
藝人洪欣同內地演員老公張丹峰於本月1日宣布結束14年婚姻，曾與同男方多次傳出軌嘅經理人畢瀅雖然曾回應指夫妻二人只係鬧交，不過仍未見洪欣或張丹峰刪走離婚宣言，三人關係繼續撲朔迷離。冇諗過靜咗三日，尋日（4日）張丹峰就已經忍唔住要「首現身」，上載吃喝玩樂片到短片網，仲享用烤全羊料理，真係夠晒疏乎！
張丹峰於片中同朋友準備好已經處理完整嘅全羊後，就拎到烤爐上旋轉烘烤，完成後臉上盡是燦爛笑容，仲係咁直豎拇指準備大擦一餐，附文又意猶未盡直呼：「烤全羊就要外酥裏嫩。」心情似乎並冇因為離婚受大影響，而貼文亦喺短時間內突破萬人畀Like，Focus全部畀佢搶晒。同時亦有網友湧入佢account留言，炮轟佢面皮夠厚，明明幾日前先宣布離婚，幾日後就已經歎住玩，完全冇重視二人婚姻。
本文作轉載及備份之用 來源 source: http://hk.on.cc
|
鍾意就快D Share啦！
|
|
|